देशाची सर्वात मोठी सार्वजनिक क्षेत्रातील बँक म्हणजेच भारतीय स्टेट बँक (एसबीआय) आपल्या ग्राहकांची गरज लक्षात घेऊन वेळोवेळी वेगवेगळ्या योजना सुरु करते. काही ग्राहक अशा योजनेत पैशाची गुंतवणूक करू इच्छित असतात जिथे त्यांना भविष्यात एकरकमी रक्कम मिळेल. दुसरीकडे, काही लोक त्यांच्या सेवानिवृत्तीचे पैसे अशा ठिकाणी गुंतवण्याचा प्रयत्न करतात जिथे, त्यांना दरमहा एक निश्चित रक्कम मिळेल, ज्याचा ते पेन्शन किंवा पगार म्हणून वापर करू शकतात. तुम्ही देखील अशाच एका योजनेच्या शोधात असाल तर एसबीआयची अॅन्युइटी डिपॉझिट स्कीम योग्य पर्याय असेल.
या योजनेत गुंतवणूकदाराला एकरकमी रक्कम जमा करावी लागते आणि निश्चित कालावधीनंतर ईएमआय (मासिक हप्ता) स्वरूपात हमी उत्पन्न मिळेल.
भविष्याची चिंता नको! मुलींच्या लग्नखर्चासाठी LIC ची खास योजना, मॅच्युरिटीवर मिळतील लाखो रुपये
SBI ची वार्षिकी योजनेबद्दल जाणून घ्या
भारतीय स्टेट बँकेच्या (एसबीआय) अॅन्युइटी डिपॉझिट योजनेद्वारे, तुम्ही प्रत्येक महिन्याला बँकेत एकरकमी पैसे जमा केल्यास तुम्हाला हप्त्याच्या स्वरूपात उत्पन्न मिळेल. बँक ठेवीवरील व्याज दर ३ महिन्यांनी चक्रवाढ व्याजदरावर मोजले जाते. त्यानंतर, तुम्हाला तुमच्या खात्यात दर महिन्याला एक निश्चित रक्कम जमा केली जाते. या योजनेद्वारे, तुम्हाला किमान १,००० रुपयाचे मासिक उत्पन्न मिळू शकते. या योजनेत गुंतवणूक केल्यानंतर, तुम्हाला २९, ३० किंवा ३१ तारखेला व्याजासह मासिक उत्पन्न तुमच्या खात्यात जमा केले जाईल.
श्रीमंत व्हायचे असेल तर फॉलो करा या महत्त्वाच्या टिप्स, त्यांना स्वीकारल्यास व्हाल कोट्याधीश
टीडीएस कापून ॲन्युइटीची रक्कम तुमच्या बचत खात्यात जमा केली जाते. तर ॲन्युइटी स्कीममध्ये तुम्ही ३६, ६०, ८४ किंवा १२० महिन्यांसाठी गुंतवणूक करू शकता. या योजनेत जास्तीत जास्त गुंतवणुकीवर कोणतीही मर्यादा नाही. कोणताही भारतीय नागरिक या योजनेत गुंतवणूक करू शकतो. या योजनेच्या गुंतवणूकदारांना युनिव्हर्सल पासबुकही देण्यात येईल. तर अल्पवयीन मुलांना या योजनेची सुविधा मिळते, तर खाते सिंगल किंवा जॉइंट दोन्ही पद्धतीने उघडता येते.
पोस्टाच्या 'या' योजनांमधून म्युरिटीपूर्वी पैसे काढू नका, भरावा लागेल दंड; गुंतवणूकदारांनो, काळजी घ्या!
SBI च्या विशिष्ट एफडीवरील व्याजदर
७ ते ४५ दिवस - ३%
४६ ते १७९ दिवस - ४.५ टक्के
१८० ते २१० दिवस - ५.२५%
२११ दिवस ते १ वर्षापेक्षा कमी - ५.७५%
१ वर्ष ते २ वर्षांपेक्षा कमी - ६.७५%
२ वर्ष ते ३ वर्षांपेक्षा कमी - ६.७५ टक्के
३ वर्ष ते ५ वर्षांपेक्षा कमी - ६.२५ टक्के
५ वर्षे ते १० वर्षे - ६.२५ टक्के
 Annuity Deposit Scheme ){kind=link}