दिवाळीपूर्वी 17 ऑक्टोबर रोजी पंतप्रधान किसान सन्मान निधीचा 12 वा हप्ता येईल. त्यामुळे त्यापूर्वी ई-केवायसी करून घ्या.
केंद्र सरकारकडून शेतकर्‍यांच्या आर्थिक मदतीसाठी प्रधानमंत्री किसान सन्मान निधी योजनेअंतर्गत लाभार्थी शेतकर्‍यांना हप्त्यांद्वारे 6 हजार रुपये दिले जातात. 4 महिन्यांच्या अंतराने दोन हजार रुपये शेतकऱ्यांच्या खात्यात रक्कम वर्ग केली जाते. यावेळी दिवाळीपूर्वी, पीएम सन्मान निधीच्या 12 व्या हप्त्याचे पैसे 17 ऑक्टोबर रोजी जारी केले जातील. पंतप्रधान मोदी स्वतः ही भेट पात्र शेतकऱ्यांना देणार आहेत. पंतप्रधानांच्या एका क्लिकनंतर शेतकऱ्यांच्या खात्यात ऑनलाइन रक्कम जमा होईल. मात्र, यावेळी अपात्र ठरलेल्या शेतकऱ्यांना बाराव्या हप्त्याचा लाभ मिळणार नाही.
पोर्टलवर शेतकऱ्यांची नावे अपलोड
पीएम किसान पोर्टलवर पीएम किसानचा 12 वा हप्ता मिळणार असलेल्या सर्व शेतकऱ्यांच्या नावांची यादी अपलोड करण्यात आली आहे. यावेळी पीएम किसान सन्मान निधी योजनेंतर्गत लाभ मिळवणाऱ्या शेतकऱ्यांच्या संख्येत मोठी घट होण्याची शक्यता आहे. योजनेंतर्गत 12वा हप्ता सप्टेंबरमध्येच वर्ग होणार होता. मात्र, जमीन पडताळणी आणि ई-केवायसीमध्ये विलंब झाल्यामुळे हप्ता जारी होण्यास विलंब झाला. जे शेतकरी या योजनेचा लाभ घेण्यास अपात्र आढळले आहेत. त्यांना पीएम किसान सन्मान निधी योजनेअंतर्गत ही मदत मिळणार नाही.
अपात्र शेतकऱ्यांना नोटिसा
प्रधानमंत्री किसान सन्मान निधी योजनेंतर्गत सर्वाधिक लाभार्थ्यांची नोंदणी उत्तर प्रदेशात आहे, मात्र चौकशीअंती 21 लाख लाभार्थी अपात्र ठरले, एवढेच नाही तर आतापर्यंत मिळालेल्या हप्त्यांची रक्कमही अपात्र ठरलेल्या शेतकऱ्यांना नोटिसा पाठवून परत करण्यात घेण्यात आली आहे.
मोबाइल नंबरद्वारे स्थिती तपासली जाईल
12 व्या हप्त्याचे पैसे पाठवण्यापूर्वी पीएम किसान योजनेत मोठा बदल करण्यात आला आहे. आता लाभार्थी शेतकरी पोर्टलवर जाऊन आधार क्रमांकावरून त्यांची स्थिती तपासू शकणार नाहीत. आता नव्या नियमानुसार शेतकरी नोंदणीकृत मोबाईल क्रमांकावरूनच स्थिती तपासू शकणार आहेत.
